Politica

Parlamentario Alan Howell a pidi reunion publico riba maneho di FCCA “Ta inaceptabel cu yiunan ta wordo pini riba caya ora mayor fayece”


ORANJESTAD, Aruba

Parlamentario Alan Howell for di algun siman atras a presenta su preocupacion pa loke ta trata esnan bibando den casnan social y ta wordo saca den corto tempo despues cu nan mayor fayece.

Siman pasa el a reuni cu representantenan di FCCA den un reunion di Comision Fiho di Parlamento di Infrastructura riba e tema aki.

Despues di e reunion el a expresa cu e no a keda satisfecho y mucho menos contento cu e resultado di dje. Parlamentario di POR ta keda para enfaticamente riba e posicion cu mester por tin flexibilidad pa e yiu tin e ‘first choice’ pa sigui huur e cas. “Perde e cas y wordo poni riba caya ta inaceptabel pa mi. Pa e motibo aki mi a entrega un peticion oficial pa un reunion publico den Parlamento mas lihe cu ta posibel, invitando tambe e Minister di Infrastructura”, Alan Howell a duna di conoce. 

Meta di tin casnan social ta pa yuda esnan cu mas tin mester y un yiu cu semper di su bida a biba na un cas, cu ta pasando den e dolor di a perde su mayor, y riba dje wordo poni riba caya ta algo no solamente inaceptabel, pero tambe inhumano y ta bay totalmente contra maneho di Gabinete Wever-Croes unda ser humano ta central.

Pesey tambe Alan ta expresa cu durante e reunion publico, cual e ta spera lo tuma lugar hopi lihe, “nos ta bay wak ken ta para na banda di e pueblo humilde y no solamente ora cu ta eleccion nos hendenan humilde ta bira diripiente importante”.


Related posts

Diputado james kroon a trece diferente criteria nobo pa por yega na terenonan comercial

EA News Author

Pa prome di augustus no ta acepta ningun tire mas riba dump di parkietenbos

EA News Author

Pieter Boer School a bira Xander Bogaerts Basisschool

EA News Author

Leave a Comment