Politica

Parlamentario Alan Howell Hopi cambio grandi na caminda den wetboek van strafvordering nobo


ORANJESTAD,Aruba

Durante conferencia di prensa di Fraccion di POR, parlamentario Alan Howell a duna di conoce cu e proceso pa introduci un ‘wetboek van strafvordering’ nobo ta andando. Esaki por wordo considera e base di husticia, e cuminda di Cuerpo Policial. Ta trata aki di e buki cu ta regla e procedura cu mester encamina na momento cu ta cuminsa investiga un sospechoso, un caso, ora ta detene un persona cual ta su derechonan, y con e diferente fasenan ta hinca den otro por ehempel ora tin investigacion, detencion, etc.

Howell ta bisa cu ta hopi  interesante pa mira e cambionan cu ta biniendo y e cantidad grandi di articulo cu a cambia, cu ta mas di 600. Mirando esaki, e parlamentario a haci un peticion na Minister di Husticia pa por fabor duna informacion di con ta bay haci cu e introduccion di tur e cambionan aki y cu ta cambionan grandi. E ta considera cu ta importante pa bin cu un tipo di bijscholing pa tur polis, educador na scol di polis, e subfiscalnan y tur otro persona cu ta traha den husticia prome cu e cambionan drenta na vigor.

Na mes momento e ta indica cu e cambionan den e articulonan den e ‘wetboek van strafvordering’ lo  facilita e personal den ramo hudicial pa nan por haci nan trabou na un miho forma. E lo keda pendiente pa e ley aki wordo trata mas pronto cu ta posibel den Parlamento.

Finalisando Alan Howell ta manda palabranan di pabien pa tur esnan cu a yuda pa trece e cambionan y tambe na Minister di Husticia cu a acelera e proceso aki, cual ta hopi importante pa sigui combati criminalidad na Aruba.

Related posts

Parlamentario Alvin Molina (MEP): Renobacion court jaburibari ta brinda hobennan oportunidad pa por practica deporte

EA News Author

Minister di enseñansa y deporte Endy Croes a reuni cu fundacion enseñansa pa Aruba

EA News Author

Parlamentario Ricky Hoek: 36 mil hende y comercio ganando cu plan fiscal nobo

EA News Author

Leave a Comment