PoliticaFeatured

Parlamentario Shailiny Tromp-Lee (MEP) riba reunion di tripartiet: A logra palabracionnan concreto pa loke ta Geschillenregeling y trafico aereo entre islanan ABC

Parlamentario Shailiny Tromp Lee

Ayera, diamars 31 di mei 2023 a tuma lugar e reunion di tripartiet na Hulanda. Un reunion entre Aruba, Corsou y Sint Maarten den preparacion di reunionnan di IPKO. IPKO ta Interparlementair Koninkrijksoverleg cual ta un reunion cu ta tuma lugar dos bes pa aña entre e Parlamentonan di Aruba, Corsou, Sint Maarten y Hulanda. 

Geschillenregeling

Despues di a sinta añanan tras di otro riba e topico aki, ayera durante tripartiet porfin a logra un palabracion concreto pa loke ta e timeline pa Geschillenregeling. Tur tres isla a yega na e palabracion cu prome cu aña 2023 termina lo haci entrega oficial di un concepto di Geschillenregeling na Gobiernonan corespondiente, un concepto cu tur tres isla ta carga. Meta ta cu porfin den Reino nos ta bay tin Geschillenregeling conforme articulo 12a di e Statuto di Reino Hulandes. Manteniendo e timeline aki, ta haci posibel cu pronto por cuminsa encamina e proceso pa realisa e consensus Rijkswet pa loke ta trata Geschillenregeling. Nos di islanan ABC ta spera cu di berdad despues di tanto aña, awo porfin nos por conta cu sosten di coleganan na Den Haag pa concretisa e Geschillenregeling aki ‘for once and for all’. 

Trafico aereo entre islanan ABC

E no ta un secreto cu actualmente e prijsnan pa biaha entre islanan ABC ta hopi halto y ta haci esaki menos atractivo pa nos bishita otro. Pa es motibo e punto aki a bini riba agenda na februari ultimo durante IPKO na Corsou. Nos a palabra como plataforma di tripartiet cu nos ta bay invita e cooperacion, cu a keda realisa entre aeropuertonan di e islanan y Hulanda, pa bin splica e aspecto di connectividad, prijs y con nos por logra baha esaki. Nan tin como meta un ambicion grandi den termino mediano a largo pa logra reduci e prijs di biahe entre e islanan. Nos como miembronan kier scucha con esaki ta bay ta posibel pa asina nos por bishita otro, sirbi otro economicamente y haci’e mas accesibel pa bishita otro.

Te akinan e informacionnan pa loke ta reunion di Tripartiet di 31 di mei 2023. Awe 1 di juni nos ta ranca sali cu reunionnan di IPKO cual lo termina dialuna 5 di juni 2023. Parlamentario Tromp-Lee ta contento con e reunionnan ta bayendo y ta contento cu e palabracionnan cu ta wordo haci. Ta pidi pueblo pa keda pendiente pa mas informacion y update directamente for di Hulanda. 

A Logra Palabracionnan Concreto Pa Loke Ta Geschillenregeling Y Trafico Aereo Entre Islanan Abc

Related posts

Frakshon di MAN kier sa kon ta para ku situashon finansiero di pais Korsou

EA News Author

Parlamentario Benny Sevinger: Diferente cambionan haci riba refeneria di Aruba

EA News Author

Corte di Prome Instancia cu diferente caso riba 30 april, 6 mei y 11 di mei 2021

EA News Author

1 comment

Leave a Comment

Whatsapp Message