Bijbel ta papia nos hopi di malisia, Tin mas di 170 versiculo den bijbel cu ta papia di malisia.
Malisia ta pica, e ta presenta ora nos no kier laga cosnan bieu bay y keto bay ta keda ripiti mesun cos,of ora nos kier agrada hende den maldad y inmoralidad pero nos ta bon na altura cu e cos ey no ta agrada Dios.
Malisia tambe ta presenta ora nos kier bruha bon y malo hunto pa tapa wowo di hende, y haci manera nos kier haci bon pero nos curason ta leu for di Dios.
Un hende den su sano huicio, di ningun forma lo purba agrada cu malisia. pasobra e sa cu malisia y inmoralidad ta lanta furia di Dios.
Awendia nos ta mira hende ta lucha pa malisia wordo apoya y aproba, lucha pa agrada maldad, ta parce manera tin un premio pa participa den maldad pero e palabra di Dios ta bisa lo siguiente:
Laga tur amargura, furia, rabia,griteria,calumnia,wordo kita for di boso, huntu cu tur malisia.Y sea cariñoso un cu otro,misericordioso, pordonando otro, mescos cu Dios den Cristo a pordona nos. ( Efesionan 4:31-32)
Den romanonan 1:18-32 ta mustra con Dios ta trata cu malisia, y cu nan final no tin bon resultado pa e ser humano, e ta demostra kico lo pasa cu esnan cu ta practica, y esnan cu ta apoya.Tur dos lo conoce e furia di Dios. Pasobra Dios lo entrega nan na un mente perverso, pa haci cosnan cu no ta cumbini.
Ta tempo pa nos pone hopi atencion na nos yuinan di tur edad, pero especialmentente nos hobennan pasobra malisia y inmoralidad, ta cana ta jaag riba nos hubentud , hincando pensamento inmoral y perverso den nan mente, violencia y vengansa.
Un spirito di malisia ta moviendo cu mester wordo reprende constantemente, pasobra e kier drenta den tur cos pa contamina, mente di hobennan y stroba nan di yega na e proposito cu Dios tin pa nan den nan bida.
Un parti di malisia cu nos ta mira cada rato ta aumenta bao di hobennan ta e famoso ,stop di bay scol, y bira miembro di un gang canando riba caya bendiendo droga y cana cu arma esey ta malisia.Pasobra e consecuencia por ta hopi amargo, pero e enemigo no tin cuenta cu esey , basta e por mantene e hobennan den su gara.
1 Corintionan 14:20 ta bisa lo siguiente: Rumannan no sea mucha den boso pensamento, sinembargo sea mucha chikito den maldad, ma madura den boso pensamento.
Pesey considera e miembronan di boso curpa terenal como morto pa inmoralidad, impuresa, pasion,deseo malo y golosidad, cu ta igual na idolatria. Pasobra pa motibo di e cosnan aki cu e furia di Dios lo bin riba yuinan di desobedencia.( Efesionan 3:5-6).
Salmo 28:5 ta para scirbi: Pasobra nan no ta respeta e hechonan di Señor, ni e obranan di su mannan, E lo basha nan abao y lo no lanta nan bek.
Tene esaki bon na cuenta:
Ningun hende no por priminti hende libertad, mientras nan mes ta esclavisa.
Pa daña mente di hende, bo mes mente mester ta putri prome, pa bo haci hende malo, bo curason mester ta yen di maldad, tene cuenta cu e enemigo ta usa hopi disfras, hasta e por disfrasa na angel di lus,pasobra hopi hende ta tende e palabra, pero no ta tur kier arepenti y bandona nan mal camindanan.
Stop di rabia y laga furia para: no cunsumi, esey ta conduci na maldad so.Pasobra hacidornan di maldad lo wordo corta kita afo.
Ma esnan cu ta spera riba Señor lo hereda e tera.