KRALENDIJK, Bonaire
Komienso di yüli Water- en Energiebedrijf Bonaire (WEB) komo supervisor di proyekto a start ku renobashon di e liñanan di awa di irigashon ku mester transportá awa bèk pa hotèlnan.
E kontratista enkargá ku e proyekto Bonaire Wegenbouw Maatschappij (BWM) for di 6 di yüli ta okupá ku: trabounan di kobamentu, pone sekshonnan di pipa, tèst sekshonnan di pipa, seramentu di buraku i restourá e kaya.
Segun ekspektativa tur trabou den e área di Belnem lo keda finalisá dentro di 5 siman.
Enfoke
Belnem a wòrdu parti den 5 sekshon pa por ehekutá e trabounan. Den kada área e trabou lo wòrdu realisá den 3 fase.
Den promé fase lo hasi e trabounan di kobamentu i pipanan lo wòrdu instalá. Komo parti di e promé fase, 75 % di e trabounan a keda ehekutá.
Den e di dos fase e burakunan lo wòrdu será.
Den e di tres fase e kaya lo wòrdu restorá den su kondishon original.
Planifikashon
E planifikashon pa e di dos fase, seramentu di e burakunan, ta wòrdu realisá di e siguiente manera;
1.10-14 di ougùstùs – Lighthouse Beach Resort direkshon EEG Blvd. 102
2.24-28 di ougùstùs – EEG Blvd. 102 direkshon EEG Blvd. 72
3.1-4 di sèptèmber – EEG Blvd. 72 direkshon krusada ku van Eps
4.7-11 di sèptèmber- Krusada ku van Eps direkshon Bonairian Resort
5.14-18 di sèptèmber – Bonairian Resort direkshon di plataforma di karga di Curoil
Den e siman di 21 te ku 25 di sèptèmber, lo finalisá tur trabou di kobamentu , i trabounan di e pipanan. E área di konstrukshon lo wòrdu restourá den su forma original.
Medidanan
Pa por ehekutá e trabounan aki bon i di un manera seif, lo sera kareteranan, pone bòrchi ku ta indiká ku e kaminda ta bira smal i tuma otro medidanan ku ta nesesario.
Seramentu di kamindanan ta wòrdu indiká pa medio di bòrchinan.
WEB i BWM ta pidi outomobilistanan pa pone èkstra atenshon den e áreanan kaminda trabou di konstrukshon ta tuma lugá kantu di kaya , pa baha velosidat i kore di un manera seif .
WEB komo supervisor di proyekto lo hasi su máksimo esfuerso pa evitá e molèster mas ku ta posibel. Si tin pregunta por tuma kontakto ku WEB via info@webbonaire.com.
Atenshon pa redakshon (no ta pa publiká)
Pa mas informashon òf eventual pregunta por tuma kontakto ku:
WEB Bonaire
Rosann Jansen, konsehero di komunikashon
Tel: + 599 715 82 44 òf e-mail:r.jansen@webbonaire.com
Rudelaica Magdalena, asistènt di komunikashon
Tel: + 599 715 82 44 òf e-mail: r.magdalena@webbonaire.com
