Presidente di verenigingRijscholen Aruba (VRA) Thomas Ruiz ta duna di conoce cu trafico den su totalidad ta un topico hopi complica y tin verenigingRijscholen Aruba (VRA) hopi preocupa, debi cu e no ta hayando e atencion adecuado. Manera ya caba ta publico e cifranan nobo riba website di comision trafico sigur ultimo nan a presenta cifra di 2023-2024.
Pa cu e cifranan aki por a comproba cu e cifranan bieu cu a ser publica di 2022 por conclui cu e accidentenan di trafico ta subiendo drasticamente.
Segun Presidente di VRA na momento cu mester mira e incidentenan den e cantidad di vehiculonan involucra ta un subida cuantioso. For di 2022 a cuminsa cu un cantidad di vehiculonan den accidente, ta papia aki di mas cu 13 mil vehiculo y aña pasa a termina na mas cu 15500 vehiculo.
Cifranan ta papia pa nan mes y no ta gaña. E cifranan cu ta keda menciona ta cifranan concreto y cu ta wordo publica pa transparencia, pero loke cu no ta ser bisa ta cu algo ta canando malo mirando cu aña pa aña e cifranan ta subi.
Banda di cu e cifranan ta subiendo e problema ta cu e no ta haya atencion adecua tampoco. Ta papia hopi di e accidentenan, pero no ta papia di un solucion , no ta papia di un maneho y of plan di kico ta wordo haci door di gobernantenan entre otro gobierno di Aruba, Parlamento, OM, KPA, DTI , Belastingdienst y tur e instancianan cu ta concerni cu trafico.
Segun Presidente di VRA na momento cu mester tuma nota di e cifranan cu ta keda publica unda cu ta mustra cuanto vehiculo cu tin na Aruba cu no tin un keuringskaart tambe ta un problema na Aruba. Si mester tuma nota na belastingdienst di cuanto auto ta core rond sin e pago adecuado di number, cuanto vehiculo ta core sin seguro.
Si mester para keto un rato y tuma nota di cuanto boet OM ta haya door di polis pa coremento bou di influencia di alcohol of coremento sin rijbewijs. Segun presidente di VRA tur e puntonan aki ta indica cu algo ta bay malo y no ta mira cu ta trahando riba un posibel solucion , pero cu e situacion dia pa dia ta bira mas malo.
VerenigingRijscholen Aruba (VRA) a bin ta papia riba e situacion aki pa varios aña pero di un of otro manera no ta haya oido, y si solamente ta papia di e problema y no ta haci nada e situacion ta keda mes un cos y hasta e por bira pio.
Na momento cu e situacion di trafico bira pio e lo afecta e economia di Pais Aruba, pero e ta afectando e economia caba. Presidente di verenigingRijscholen Aruba (VRA) ta consciente cu e situacion di trafico na Aruba ta uno hopi hopi grandi mirando cu ta tres pilar lo mester bay ataca, uno ta e parti di educacion, infrastructura y e parti di handhaving.
Pa por logra atende e tres partinan aki ta hopi trabou mester wordo haci, segun Thomas Ruiz di verenigingRijscholen Aruba (VRA) . Na momento cu ta papia di educacion no ta papia solamente di rijscholen, pero tambe e parti cu nan cu ta duna na basisschool unda cu e muchanan di 5de klas ta haya examen pero verenigingRijscholen Aruba (VRA) ta di opinion e mester ta otro,mas miho.
Mester ta eficiente cu despues cu e hobennan aki den 5de klas na momento cu nan haci nan 18 aña cu mester bay saca nan rijbewijs nan basico ta basta bon y no locual cu nan tin na e momentonan aki.
Tambe mester pensa riba e parti di educacion cu te ainda cu no tin un verkeers docent na IPA cu ta prepara e docentenan cu ta bay duna les di trafico. Tambe e conocemento riba trafico ta laga hopi di desea. Den e parti di educacion e programa mester tin loke ta pa ley stipula cu gobierno mester bin cu nan informacion educacional cu mester pasa na television, medionan social of den ki forma cu ta pa informa y actualisa e conocemento di pueblo di Aruba. Mester por educa riba caminda nan cu ta mal traha , borchinan cu ta mal poni, pinturanan cu ta mal pinta. Mester actua pa un miho trafico sigur.
