Universidad di Aruba (UA) ta contento di anuncia e firma di un Memorandum of Understanding (MoU) cu SEDI Energy and Science Foundation (ESF). E colaboracion aki ta basa riba un compromiso comparti pa uza e potencia di investigacion, educacion di ciencia pa mehoracion di e region Caribense.
E obhecionnan principal di e MoU ta inclui sosten pa investigacion y innovacion den solucion sostenibel, promove avancenan tecnologico pa medio di iniciativa di investigacion conhunto, empoderamento di e siguiente generacion di lidernan pa medio di intercambio di studiante y modulo educativo colaborativo, y expansion di red di cooperacion cu otro institucionnan y expertonan.
E partnership entre UA y ESF lo permiti un aumento di e impacto cu cada organisacion por logra dor di comparti recursonan y infrastructura di otro. E MoU aki lo permiti, entre otro, un cooperacion mas estrecho cu e programa SISSTEM di UA y e Ed Cheung Science and Innovation Center. Hunto, nan tin como meta pa sostene educacion y investigacion STEM pa e desafionan di desaroyo sostenibel di nos isla.
