PoliticaFeatured

Prome Minister Evelyn Wever-Croes: Prome reunion cu secretario di estado Van Huffelen

Reunion Pm Vh 100

Pa Aruba esaki ta hopi importante pasobra nos meta ta pa sali for di e crisis aki mas fuerte y mas resiliente”

Diasabra anochi 18 di juni, e prome reunion riba nivel di Gobierno di paisnan den Reino y Secretario di Estado Alexandra Van Huffelen a tuma luga. E prome reunion aki tawata entre Aruba y Hulanda. Pa Aruba tawata presente Prome Minister Evelyn Wever-Croes y Minister Xiomara Maduro y pa Hulanda Secretario di Estado Van Huffelen y e respetivo delegacionnan. 

E punto di agenda tawata temanan financiero. Entre otro Presupuesto 2022 y Rijkswet Aruba Financieel Toezicht, (RAFT). Riba RAFT a delibera extensamente y Aruba a accentua e preocupacionnan cu tin y Hulanda tambe a trece dilanti nan puntonan. A haci palabracionnan concreto di e siguiente pasonan cu lo tuma riba RAFT.  

Diadomingo anochi, e di dos reunion lo tuma luga hunto cu Premier di Corsou Gilmar Pisas y Premier di Sint Maaten Silveria Jacobs. Presente tambe lo ta Vice Premier di Corsou Ruthmilda Larmonie-Cecilia y Minister di Finansas di Sint Maarten Ardwell Irion y demas delegacionnan. Dialuna lo continua cu e reunionnan henter dia. 

E puntonan di agenda ta e recorte di salario di 12,6 %. E topico aki, a bin riba agenda na ultimo momento riba peticion di Corsou y Sint Maarten cu ta den situacionnan poco diferente cu di Aruba. Pa Aruba esaki ta hopi importante pasobra Secretario di Estado Van Huffelen lo pone e punto aki riba agenda di e Conseho di Minister di Reino diabierna awo pa asina Aruba por cumpli cu e condicionnan y por paga e 5% cu Gobierno kier paga na juli. COHO tambe ta riba agenda como tambe e futuro relacionnan den Reino.

“Nos tin dianan pisa di reunionnan nos dilanti, pero importante ta cu nos ta dialogando y deliberando riba e futuro di e ‘Consensus Rijkswetten’ y con lo sigui traha hunto. Pa Aruba esaki ta hopi importante pasobra nos meta ta pa sali for di e crisis aki mas fuerte y mas resiliente. Pa esaki nos tin palabracionnan haci, implementa reformanan pa logra esaki y nos ta cumpliendo cu e Landspakket pa esaki. Nos kier tin claridad di e trayecto cu tin nos dilanti pasobra nos kier sali mas lihe cu ta posibel for di e crisis pero sigur mas fuerte y mas resiliente”, Prome Minister a enfatisa.

Reunion Pm Vh 2....2Reunion Pm Vh 3....3Reunion Pm Vh 4...14Reunion Pm Vh 5...5

Related posts

Na Euro Lat tur presente ta consciente cu Fake News a bira un fenomeno y e ta dañino pa democracia

EA News Author

Minister Endy Croes ta desea seleccion di Aruba hopi exito den weganan interinsular 2023

EA News Author

Un biaha mas: Sector di enseñansa y minister Lampe den confrontacion

EA News Author

Leave a Comment

Whatsapp Message