Despues di un reunion informativo cu representantenan di e sector di UTVs, Prome Minister Mike Eman a confirma cu Gobierno a manda un peticion oficial pa Corte pa para e procedimiento hudicial. E obhetivo di e paso aki ta pa habri caminda pa un dialogo constructivo y busca un solucion balansa cu ta protege tanto naturalesa como e economia local.
E Mandatario Supremo a splica cu e representantenan di e sector a presenta un splicacion amplio y detaya tocante nan posicion. A base di e informacion aki, Gobierno a considera cu ta di sumo importancia pa mantene e liñanan di comunicacion habri pa por yega na acuerdonan husto cu tur e partinan involucra.
Garantisa Pan di Cada Cas y Proteccion di Medio Ambiente
Prome Minister Eman a enfatisa cu e meta principal di e convocacionnan aki ta pa haya un punto di balansa caminda cu e negoshinan y puestonan di trabou por continua, sin laga na banda e compromiso di protege e recursonan natural di e pais.
“Nos kier garantisa tur dos aspecto: nos mester garantisa nos naturalesa, pero tambe nos mester garantisa e pan di tur esnan cu ta di un forma of di otro involucra den e actividadnan recreativo aki,” e Prome Minister a declara.
Status di e Caminda y e Proximo Pasonan
Durante e encuentro cu e prensa y esnan presente, e Mandatario a duna claridad riba e
situacion actual di e acceso:
Peticion na Huez: Gobierno a tramita e carta oficial solicitando na huez pa pospone e caso hudicial pa asina duna espacio na e negociacionnan. Esaki gobierno di Aruba a haye tambe unda cu den un comunicado gobienro a duna di conoce cu corte a duna espacio pa sinta na mesa y trece un balance.
Acceso habri: Prome Mnister a confirma cu e caminda ta keda habri mientras cu e proceso di consulta ta andando.
Proximo comunicacion: Tan pronto cu tin un contesta of decision di Corte tocante e peticion aki, Gobierno lo informa e sector y e publico di biaha.
Gobierno ta reitera su compromiso pa sigui traha na un forma transparente y di consulta cu tur e ‘partners’ pa yega na un areglo cu ta na beneficio di e comunidad y di e desaroyo sostenibel di Aruba.Asina prome Minister Mike Eman a declara