ORANJESTAD, Aruba
Desafortunadamente, den cuadro cu e Covid19 crisis riba Aruba, hopi di e contratistanan riba e isla awor ta riba un hiatus, caminda cu nan tabata traha den e resort full-time, contrata por medio di un specialista di un tercer partido den areanan di siguridad, mantencion of housekeeping, y mirando cu trabao a paralisa nan mester a stop di traha, manera un medida temporario, te ora cu trabao bolbe aumenta.
Sin un entrada, nan a pasa hopi duro manera hopi otro ciudadano riba nos isla, pa asina tin cuminda pa nan famia y permanece optimista.
Helping Hands, un programa regular na La Cabana Beach Resort su actividadnan boluntario social, organisa por medio di Departamento di Recurso Humano, a demostra nan dinamica di un famia stima na coleganan den necesidad anto a comparti momentonan special cu esnan cu tabata separa for di otro, pero semper a keda den curason di nan coleganan.
E team di La Cabana tabata tin exito den haci un impacto den e bidanan di e coleganan contratista y nan famianan. Nan a logra organisa delivery por medio di un truck pickup, na unda a brinda cada un contratista un pakete special cual a wordo hinca den otro por medio di esnan cu ainda ta trahando.
E team completo di La Cabana Team of Associates a contribui cu nan mesun salario, despues a uni cabes cu Fruteria Virgilio kende a haci un contribucion di placa y Compra, na unda a wordo brinda un descuento riba varios producto di cuminda pa asina crea paketenan personalisa pa tur contratista colega cu no ta trahando actualmente.
E contratistanan ta forma parti di e famia di La Cabana manera tur otro empleadonan y socionan segun General Manager, Joe Najjar, y Helping Hands kier a haci algo generosamente special pa nan.
“Actualmente, nan no t’ey presente pero nos no ta lubida riba nan,” Joe Najjar ta bisa.
Un danki ta bay na tur empleadonan pa nan sosten y nan abilidad di comparti cu otro durante e momentonan dificil aki cu ta afectando henter nos isla.