Local

Sabiduria den nos Alegria: Ruthy “Lady Ruth” Vrieswijk-Bergen

Sabiduria Den Nos Alegria Ruthy Vrieswijk Bergen

Bunita tawata e bishita, presencia y participacion di Rey Willem Alexander, Reina Maxima y Prinses Amalia na Aruba. Un aire fresco a bula den e dianan di nan bishita, y ketobay Aruba ta stima y ta bendiciona pa tin Madre Patria Hulanda como nos guia, speranza  y yudanza. Un pluimpje pa sra  Nicole Hoevertsz y su team, su comishon,  pa a logra hinka bunita actividadnan den otro cu yudanza di tur esnan cu a wordo invita pa tawata envolvi den demonstra nos amor y calor pa famia Real. Lady Ruth mes no por a bay na ningun di e localidadnan e biaha aki, pero a wak na televishon y lesa den corant con dushi y bon nan a pasa. Nos tambe ta sigur cu nan a hiba hopi bunita recuerdo cu nan. Mientrastanto bida den su rutina y normalidad ta continua y hopi ta den full preparacion pa e paradanan grandi di Nos Carnaval 69. Tawata un honor y placer di a topa cu Mighty Talent himself, Claudius Phillips, na Smit en Dorlas Coffee House recientemente y nos a probecha di a laga saca un pic di nos dos. E dushi ambiente di nos Carnaval di anjanan pasa, por wordo mira y sinti hasta den The Cinemas na Renaissance riba pantaya grandi cu dushi musica carnavalesco, mientras bo ta sinta warda pa e pelicula mes cuminsa. Ki pret ta e pelicula di “Judeska in de TBS kliniek”, Lady Ruth a hari hopi y cu smak ! Esta baina noh, ki vocabulario ! Un otro bon pelicula cu nos a goza wak ta tambe “The Plane” cu hopi accion y suspenso. Nos a comprende for di un di e trahadornan na The Cinemas cu lo tin “two for one” durante henter e luna di Februari y despues lo baha bek na Dialuna, Diamars y Diaranzon solamente. Leuk noh? Recientemente Lady Ruth a goza wak e miniserie di netflix di 8 capitulo cu yama “From Scratch” na televishon, un pelicula di hopi “feelings y emotions”. Cosnan cu ta pone hende pensa con cortico y balioso nos bida aki bao por ta. Diariamente famianan tin cu despedi di un of mas ser stima, cu a bay nos dilanti. Ki bunita tawata e Misa di despedida pa nos bon amigo, e gran Pianista “nos Padu chikito” Albert Croes den e Misa na Sta. Crus cu Pader Jairo, e Pader Pastor mas great y mas stima di Aruba. Ki bunita e coro bau direccion di Maybeline Arends Croes a canta ! Y ki bunita e grupo di amigonan musical di e.o. Muziekschool Rufo Wever a toca, specialmente e cantica “Amazing Grace”. Speechnan presenta di curason. Lady Ruth tambe a inspira un bunita poema pa Albert, awe den felis memoria y mas serca di mente, alma y curason.Nos tambe sa, cu tristeza ta bay man den man cu alegria y pesey nos ta hasi nos best pa goza di cada dia, di cada bunita oportunidad di celebra bida cu sernan stima. Nos grupo “Diamond girls”, Milly, Miriam, Indra y Ruthy a bini hunto pa nos por a disfruta di un dushi ayakita y un dushi ayaka y despues un dushi brownie. E “binja prosecco” of ta “champagna prosecco” nos no a lesa riba e botter, nos a djies ponele fria den freezer, habriele y bebele !

Un anochi sumamente bunita y dushi, di entercambio di pensamentonan den nos combersacionnan  agradabel yen di positivismo. Lady Ruth ta sumamente gradicido pa tin e tres super bon amiganan aki den su bida, desde tempo di nos tempo como lidernan den scouting grupo Kimball O’Hara den curason di Piedra Plat. Best friends for life ! Nan tur tres sa cu mi no ta gusta cushina y pesey ta dunami mas y mas dushi recetanan pa purba di inspirami toch den cushina ! Ainda mi debe mi cunja Meme un lobster thermidor ariba receta di sra. Thelma Ahlip di mas di 20 anja pasa ? 20 of mas ? Ach, no mester perde speranza nunca ! Hahahahahahah

Mi no por ta perfecto den tur cos, toch ? Lagami numa cu mi skirbimento di poemanan, hahaha.

Danki lieve mensen, pa lesa mi relato cu atencion y curason. Stay safe ! Love you too !

20230131 200543 1 Scaled20230124 123831 1 ScaledImg 20230128 Wa0011 2

Related posts

Projecto Hunto Grandi, Grandi hunto

EA News Author

Surpasando tur expectativa: Aeropuerto di Aruba a establece record nobo pa aña 2023

EA News Author

Pastor Marcel Balootje: Hende por keda sin kere, pero fierno y laman di candela ta existi

EA News Author

Leave a Comment

Whatsapp Message