Nos hobennan den e mundo di futbol seleccion di U20 damas a Sali di Aruba pa pasa transito via Merca pa despues bay Trinidad. E seleccion U20 lo bay hunga weganan pa cualificacion pa mundial y lo hunga contra Guatemala, Costa Rica y Cayman Island.
E seleccion di U20 ta deportista cu ta relativamente hoben, pero ya caba tin algun di nan tabata den seleccion U15 y tambe U17 . E seleccion di Aruba ta damanan relativamente hoben y ta consciente cu Guatemala y Costa Rica lo no ta bay ta weganan facil cu lo tuma luga, pero mirando cu hopi biaha e hende muhenan den seleccion cu na momento cu nan biaha mayoria biaha ta saca cara y tin hopi smaak ta sinti cu nan ta cla pa duna e miho di nan pa representa Aruba den exterior.
Sinembargo na momento cu e hobennan ta cuminsa di un edad jong mane e grupo aki cada stap ta un experiencia y e biaha aki ta mes un cos pa asina nan enfoca pa bira cada biaha mas miho.
E prome wega lo tuma luga diahuebs contra Costa Rica y ta spera cu esaki lo ta bay ta e wega cu lo ta bay ta di mas duro durante di e competencia aki na Trinidad. E siguiente wega lo ta diasabra dia 22 di februari cu lo hunga contra di Guatemala cu tambe ta un otro team cu ta duro den e pool y pa otro siman lo hunga contra Cayman Island, cu ta un wega cu ta pensa cu lo ta bay tin hopi posibilidad den dje. Tambe tin un grupo di damanan cu ta Sali di Hulanda pa topa e grupo di Aruba pa asina por forma e seleccion cu lo hunga na Trinidad.
