Den parlamento a tuma luga reunion riba reparticion di comisionnan di Parlamento. E prome parlamentario cu a hiba palabra e mainta aki den parlamento ta parlamentario Evelyn Wever Croes. E parlamentaro ta indica cu e ta sumamente satisfecho cu fraccion di MEP por haya e presidencia di e comision di finansas. Finansas den tur aspecto ta e yabi y pa un parlamento haci un miho control, parlamento tambe tin mester di e toolsnan pa por eherce e controlnan aki. Finansas di Aruba ta e yabi di ultimo añanan di gobernacion y e ta yabi pa e añanan nos dilanti.
Parlamentario Evelyn Wever Croes ta indica como prome minister demisionario a haci un bishita na Hulanda y den practicamente tur e reunionnan cu a atende ta biba un nerviosismo y preocupacion cu ta biba na Hulanda pa un posibel regreso di un gobierno di gabinete Mike Eman.
E experencia cu Hulanda tin cu AVP ta un mal experencia unda cu e welga di hamber di lider di AVP Mike Eman ta keda bin riba mesa na Hulanda durante di reunionnan. Hulanda ta preocupa cu e regreso di AVP den gobierno , pero na mes momento tambe ta mira e movecion cu FUTURO ta exigi cartera di minister di finansas debi cu e mes un partido FUTURO cu ta bay cera gobierno cu AVP no ta confia AVP, pero cu su rason. Tambe Parlamentario Evelyn Wever Croes ta convenci cu FUTURO no tin e bista suficiente pa “overrule” e mal decisionnan cu bin di Mike Eman. No ta un secreto cu Mike Eman no tabata laga Angel Bermudez cu ta un persona hopi respeta traha realmente como minister di finansas e no tabata haya espacio pa haci esey, pesey mes no tin e confiansa cu un otro persona lo por hendel esaki.
Segun Evelyn wever croes tin preocupacion na Hulanda tambe di con malo con AVP y algun integrantenan di AVP a trata nos gobernador y esaki ainda Hulanda ta sinti situacion aki cu a sosode cu no ta corecto. Tambe tin un bista riba indicacionnan cu AVP a vocifera cu nan lo bay ruim op de boel na ministerio publico, sigur esaki ta algo cu comision di husticia mester bay atende cu ne.
E metemento di partido AVP den ministerio publico segun Hulanda a cuminsa caba, esakinan ta situacionnan y puntonan cu ta hopi di preocupante. Parlamentario Evelyn Wever Croes ta haci un peticion na e comisionnan cu ta wordo establece pa vigila e partinan aki hopi di cerca.