Parlamentario Edgar Vrolijk den reunion pa reparticion di comisionnan di Parlamento ta indica cu ta un tristesa cu presidente di Parlamento den politica t’ey cu cabes bashi. Mirando e actuacion y manera di proceder di presidente di parlamento ta un tristesa di mira cu no sa historia di Aruba. Pa por tin un posicion asina aki como presidente di parlamento loke ta sabiduria ta na momento bo sa bo historia.
Parlamentario Edgar Vrolijk ta conseha presidente di parlamento pa busca pa sa historia di Aruba, den algun ocasion a tuma nota cu a haci expresion di historia, 20 aña, pero ta bon pa bay bek den bahul y busca pa sa historia y no papia disparate.
Na momento cu bo ta presidente di parlamento bo mester sa historia comisionnan por keda presidi di diferente fraccion. Un ehempel ta tempo AVP tabata na mando na 2019 MEP tabata presidi 4 comision y por a traha hunto. Sinembargo na 2010 historia a cambia y cos a bolter na 2010 na momento cu AVP a sinta y a kita tur e posicionnan como presidente for di fraccion di MEP.
Lamentablemente awe Aruba ta conta cu un presidente di parlamento cu mester keda corigi constantemente den expresionnan cu e ta haci cu un cabes bashi y no sa nada di historia di parlamento, como politico esaki ta un berguensa. Presidente di parlamento Gerlien Croes ta Sali na varios ocasion papia den nomber di parlamento y pone cara di parlamento completo den berguensa. Na momento cu presidente di parlamento sali y papia den nomber di parlamento esey kiermen e ta papia den nomber di tur e parlamentarionan y ta papia cosnan innecesario y no corecto.
Tambe desde cu presidente di parlamento nobo Gerlien Croes a presidi e posicion, perde so Aruba a perde y ta perdiendo ainda.
Pa motibo di incapacidad di presidente di Parlamento nobo Gerlien Croes , Aruba a perde dos posicion di vice presidente den reunionnan Latino America y aki ta Aruba a perde posicion di dirigi den Parlatino. E asientonan aki ta nos antepasadonan a traha pe pa Aruba ta sinta den e posicionnan aki y awe pa un presidente di Parlamento cu ta yama su mes generacion nobo den politica ta esun cu mas daño ta creando riba su incapacidad como presidente di parlamento di Aruba y ta pone Aruba perde posicion den Latino America.
Ta tristo pa mira e esfuerso di nos antepasado a logra posicionnan den reunionnan Latino America y e esfuerso cu a wordo haci pa tin e posicionnan como vice presidente Aruba ta perde esaki y awe pa motibo di presidente di Parlamento Gerlien Croes su incapacidad Aruba ta perde.