SocialFeaturedLocal

Seyo Nacional di Artesania enrikece nos artesania local y industria creativo

Seo

Departamento di Cultura Aruba (DCA) conhuntamente cu e Comision di Seyo Nacional di Artesania Aruba ta invita artesanonan pa haci entrega di tur material nobo cu NO tin Seyo Nacional di Artesania ainda.

Dia 2 di juli 2021 lo tuma luga e siguiente evaluacion pa e aña aki, caminda e comision ta bini hunto pa pasa riba tur e criterianan necesario relaciona cu e producto pa bini na remarca pa e Seyo Nacional di Aruba.

Ta haci un yamada na e artesanonan pa entrega tur nan producto nobo pa mas tarda riba dia 30 di juni 2021 prome cu merdia na DCA.

E proceso di aplicacion ta tuma luga na Departamento di Cultura Aruba cual por cierto a muda pa John F. Kennedy Educational Center cu ta keda na Stadionweg # 37, Oranjestad Aruba, (retonde banda di Cas di Cultura).

 

P’esaki mester *yena e formulario di aplicacion, *mester trece un identificacion valido, *un pasfoto, *como tambe un comprobante di adres.

Pa mas informacion relaciona cu e Seyo Nacional di Artesania y tambe tocante e proceso di aplicacion por fabor tuma contacto cu nos via telefon 582-2185.

Criterianan pa bini na remarca di un Seyo Nacional di Aruba ta:

 

  • Mester ta traha na man. (No cu machine, pero cu herment manual

senciyo).

  • Autentico, Diseño Original.
  • Consistencia den (re-) produccion di diseño y modelo.
  • Grado di experticio (tradicional) den trahamento di e producto.
  • E producto mester ta traha na Aruba.
  • Grado di uzo di material local.
  • Grado cu e producto ta refleha tecnicanan di artesania tradicional.

 

Artesania ta un arte caminda cu creativdad den forma di e arte y cultura ta haya bida. Ban sigui enrikece y contribui na nos productonan artesanal local. Y aporta nos industria creativo.

Ta danki na nos artesanonan cu mas y mas nos tin obranan artistico local y di Aruba mes.

Cultura nos mester bib’e

Seyo Nacional Di Aruba 1 ScaledSeyo Nacional Di Aruba 2 ScaledSeyo Nacional Di Aruba 3 ScaledSeyo Nacional Di Aruba 4 Scaled

Related posts

Tin ley pero e siguridad di cada trahado di APA cu ta subi lama ta na prome luga

EA News Author

Ultimo wega RCA & La Fama a refleha e tristo berdad di henter e directiva di AVB pa futuro di futbol na Aruba

EA News Author

Accebilidad pa hendenan cu problema fisico ta hopi nesesario pero e mester tuma luga corectamente

EA News Author

Leave a Comment

Whatsapp Message