Oranjestad, Aruba
Esnan cu ta cuida kapel y percura pa ta limpi tur mainta y tur anochi a yega awe mainta y a haya un sorpresa un biaha mas. Robert Jeandor no ta un persona desconoci den nos comunidad y e ta lanta mainta tempran y haci e kapel limpi. Sinembargo awe mainta a haya su mes cu un sorpresa indesea . Dilanti di e porta di kapel a pone e number nan 666 cu ta number cu ta simbolisa diabel. Kende a haci e tipo di actonan aki no ta conoci ainda. Tambe riba e muraya a keda pinta tambe. Mesora a yama polis pa asina mira e situacion pa asina un investigacion cuminsa. E situacion aki ta hopi di lamenta, esnan cu ta haci esaki sigur no ta un ehempel pa ningun hende y tampoco pa e pilar di nos economia cu ta scoge hopi biaha pa bishita nos kapel na altovista. Kico ta e mensahe cu bo kier hiba cu esaki, e acto no ta un acto cu mester a wordo cometi. Rond di kapel tambe nan a pinta e seo di nazy, sinembargo danki dios nan no a drenta den kapel y nan no a haci danjo den a parti paden. E mensahe ta bon cla si esnan cu a comete e acto aki nan tin otro adoracion , busca boso propio caminda pa adora loke boso ta kere den dje, bo pensamento no mester ta distruccion di un luga unda miyones di persona ta kere den dje y cu ta bishita frecuentemente.