Mi ke anunsiá ku koutela un bon notisia: e último dianan nos ta mira un bahada leve di e kantidat di kaso positivo.
Awe 81 resultado di tèst a drenta, i den eseinan tabatin 7 kaso positivo.
E último dianan nos tabatin tardansa den e resultadonan di laboratorio. Pa motibu ku tabatin resultado di vários dia tabata drenta na mes momentu, tin ora tabatin ekstremo di te ku 26 notifikashon pa dia. Awor aki e problemanan ei ta solushoná.
Nos informe diario ta a basá notifikashonnan di resultado di tèst. Awor aki nos a traha un resúmen a base di e fecha di tèst i e promé dia di malesa. Esaki ta duna un bista mas kla di plamamentu di e kontagionan. Den e grafik e balkinan hel ta indiká e promé dia di malesa, e balkinan blou ta indiká e fecha di tèst.
Manera bo por mira den e grafik e kantidat di kaso nobo ta baha. Pa mustra e desaroyo akí mas kla ainda, den e di dos grafik nos a duna e promedio di e notifikashonnan durante 7 dia.
Den e grafik por mira e bahada bon kla. Esaki ta nifiká ku e kantidat di kaso nobo di hende ku a pega ku e vírùs nobo ta baha pa dia. Paga tinu: e sifranan di e liña kòrá por subi un tiki ainda, pa motibu di e resultadonan di e investigashonnan nobo di kontakto.
Manera mi a bisa kaba: tin bon notisia, pero nos no a yega ainda kaminda nos mester ta!
Manera bo sa for di siman pasá 9 di yanüari a intensifiká e medidanan. Ta te entre 15 i 22 di yanüari 2021 por mira efekto di esei. Nos ta spera ku e kantidat di kaso positivo ta bai baha mas ainda.
Pa esei nos tin mester di tur hende.
P’esei nos a konsehá gezaghèber pa no kambia e medidanan ku nos tin awor aki. Naturalmente nos ta keda vigilá e situashon di aserka. Si Salubridat Públiko mira ku por suavisá òf mester bini ku medida mas severo, nos lo konsehá esei mesora tambe.
Figura 2: Promedio di 7 dia di e kantidat di kaso nobo pa dia
Grafik 1: Kon e kasonan di hende ku a pega ku e vírùs a plama