FeaturedPoliticaLocal

Prome Minister Evelyn Wever-Croes: Aruba tin e compromiso di Global Island Partnership pa yuda haya e seyo di Nacionnan Uni

Prome Minister Evelyn Wever Croes

Riba e plan di adaptacion pa cambio di clima

Den conexion cu e reunion di infrastructura na Nacionnan Uni,

Durante su bishita na Nacionnan Uni, Prome Minister Evelyn Wever-Croes a atende varios reunion di cual un hopi importante tabata esun cu a cubri e tema di infrastructura. Manera ta conoci, Aruba tin retonan grandi pa loke ta e mal estado di e careteranan. Esaki debi cu no tabatatin un plan consistente pa mantene nos careteranan prome cu pandemia, y debi na pandemia, Gobierno a kita tur e fondonan cu tabata tin aloca pa mantencion di caretera, pa por a salba bida di hende. 

Prome Minister a indica, cu awor cu Aruba ta recuperando, ta importante pa yega na un sistema pa toch structuralmente tin fondo aloca pa drecha e calidad di nos careteranan. Pero esey lo no ta suficiente. Gobieno a pidi DOW y nos expertonan pa traha riba un plan di maneho pa den 10 aña drecha e careteranan na Aruba. Tambe ta importante pa menciona cu e careteranan di Aruba, actualmente ta wordo mas afecta door di e cambio climatico, ya cu ora awa yobe awor, e ta yobe mas severamente, causando asina cu e careteranan t deteriora mas lihe. Esaki ta e plan cu Gobierno lo kier presenta, como un plan di adaptacion pa cambio di clima.

Tambe, Premier Wever-Croes a reuni cu Global Island Partnership, sra Kate Brown y nan a compromote cu lo yuda Aruba cu e plan aki, pa asina nos logra haya un seyo di Nacionnan Uni riba dje. Si Aruba logra haya e seyo aki, e oportunidad pa haya fondo ta mas grandi, yudando nos asina  pa drecha e carteranan den menos di 10 aña. 

Related posts

Pais Aruba lo tuma dos truck specialisa over di Royal Schiphol Group N.V. pa Brandweer Aruba

EA News Author

Aruba Lions Club a hasi muchanan feliz

EA News Author

Ultimo funccionnan di e obra unico ‘E Cashi Magico’

EA News Author

Leave a Comment

Whatsapp Message