PES pa prome biaha a yama bonbiní na un grupo di studiante for di e programa di estudio Yuverta Eco and Wildlife, cu lo participa na diferente actividad na Saba. Durante e proximo dos simannan, e studiantenan aki lo conoce e isla, y ofrece oportunidadnan di aprendizahe pa hobennan di Saba.
PES y Yuverta a firma un acuerdo na 2023, cu e intencion di explora con educacion berde por contribui na e metanan di Saba. Yuverta ta ofrece entrenamento profesional y edukashon, sentrá rondó di tópikonan manera jardineria, agrikultura, maneho di awa, i desaroyo urbano berde entre otro cosnan.
Durante nan estadia na Saba, e grupo lo organisa diferente workshop cu participantenan di, por ehempel, e programa MDT via Departamento di Desaroyo y Cultura di Comunidad y Saba Reach Foundation. E meta di e workshopnan aki lo ta pa envolve e comunidad local y ofrece un ambiente di diversion y aprendizahe den e educacion berde. E studiantenan di Yuverta tambe lo comparti nan experiencianan personal, e retonan cu nan a enfrenta y con nan a surpasa nan mientras nan tabata studiante.
Ademas, e grupo lo pasa un dia di mantencion di e camindanan, participa den monitor di insecto cu e Saba Estafette Expedition, y lo bishita luganan manera Saba Electric, e centro di investigacion marino y e facilidad di residuo. E habitantenan tambe por wak pa e grupo ora nan ta administra cuestionarionan, pa recoge mas informacion riba loke e localnan kier siña den e topico di naturalesa, agricultura, medio ambiente y topico relaciona cu oceano.
PES ta spera e colaboracion aki cu Yuverta, ya cu nos ta sigui investiga con educacion berde por wordo promove y implementa na Saba.