BonaireFeaturedInternacional

Supervishon i mantenshon di lei a kuminsá ku kontròl di preis

Supervishon I Mantenshon Di Lei A Kuminsa Ku Kontrol Di Preis.3

Direktorado di Supervishon i Mantenshon di Lei a kuminsá ku un kontròl minusioso di preis di e makutu básiko na diferente supermarket na nos isla. A tuma e paso akí pa motibu di e preokupashon kresiente tokante preisnan di produktonan esensial ku ta subiendo, kaminda hopi tienda ta hasi uso di preis mas haltu ku rasonabelmente ta akseptabel. 

Preis pagabel

E meta prinsipal di e kontròl akí ta pa sòru ku preis di e produktonan básiko ta keda pagabel pa tur habitante di Boneiru. E makutu básiko ta enserá komestibel esensial i artíkulo di uso diario ku ta krusial pa kasnan di famia promedio. Un stipulashon di preis honesto ta kontribuí na aliviá gastunan finansiero pa nos habitantenan i ta garantisá un standart di bida mas aksesibel.

Ta bini un rapòrt tokante preis den supermarket

Ora ku terminá ku e análisis di preis den supermarket, Direktorado di Supervishon i Mantenshon di Lei, den kolaborashon ku Fundashon Tienda Pa Konsumidó Boneriano, lo presentá un rapòrt kompleto tokante preis den e tiendanan akí.  

Supervishon I Mantenshon Di Lei A Kuminsa Ku Kontrol Di Preis.2Supervishon I Mantenshon Di Lei A Kuminsa Ku Kontrol Di Preis

Related posts

Arte Activo Camp ta bek!

EA News Author

Dia 16 y 17 di december e ambiente ta na Centro di Bario Dakota

EA News Author

Un suma di 2 miyon a keda poni pa proyecto Veilige Barios

EA News Author

Leave a Comment

Whatsapp Message