Politica

Ta para firme tras di e decisionnan tuma pa Prome Minister Evelyn Wever-Croes


ORANJESTAD,Aruba

Parlamentario di POR, Alan Howell ta para firme tras di e decisionnan tuma pa Prome Minister
Evelyn Wever-Croes den temponan di crisis cu mundo henter ta bibando aden.
E ta bisa cu e ta para tras di e decisionnan fuerte, pero excelente cu e Prome Mandatario ta
tumando, cual ta na bienestar di henter nos poblacion. No ta pasonan facil pa tuma, pero nan ta
necesario pa hunto por combati e pandemia cu ta asechando henter mundo.
Howell ta gradici Premier Wever-Croes pa a scucha su yamado y pidi cooperacion di WEB pa
tur meter di awa wordo conecta bek y asina tur cas na nos isla por tin awa.
Na mes momento e ta apoya e decision di “toque de queda” cuminsando diasabra awo21 di maart
di 9pm pa 6am y cu lo sigui te cu 31 di maart por lo pronto. Tambe e decision di cera frontera pa
tur hende for di e mesun fecha aki pa evita cu e Coronavirus Covid 19 sigui drenta nos isla y
proteha nos poblacion lo maximo posibel.
No por laga afo e esfuerso conhunto cu entidadnan bancario, FCCA y Volkskrediet Bank pa
duna un espacio financiero na nos ciudadanonan cu a perde trabou of a bay atras den nan
entradanan.
Igualmente algo cu sigur ta di aprecia ta e forma con gobierno ta bay duna sosten financiero na
tur esnan cu perde trabou, mientras cu e medidanan presenta den e di dos fase di refoma fiscal no
lo wordo implementa mas.
“Ta trata di decisionnan tuma pa pone Aruba y su hendenan na prome lugar. Awo ta keda na nos
mesun hendenan pa coopera. Hunto nos POR”, Alan Howell a finalisa.

Related posts

“Nos a tuma sierto desicionan pa kita tur loke ta uso ineficiente di e placa di pueblo.”

EA News Author

Gobierno tin fondo reserva pa por paga subsidio di salario pa luna di juli 2020

EA News Author

Parlamentario Alvin Molina (MEP): Awo un papel di 5 florin lo costabo 10 florin

EA News Author

Leave a Comment