Artista Sharina Gumbs ta presenta su exposicion di cuadra titula ‘The struggle to ride or die’. Esaki ta tuma lugar na Biblioteca Nacional Aruba di dia 6 pa dia 20 di december. Apertura ta tuma lugar diaranson dia 6 di december di 5or pa 7or. Musico Franklin Arrindell ta duna e apertura su ambiente musical.
Sharina Gumbs ta artista visual, trahador social y docente di arte cu su Studio Soul2soul Mindful Art. Su propio estilo preferi ta abstracto expressivo. Pa medio di e estilo aki Sharina ta expresa su sentimentonan y experencianan y alabes ta explora su mundo. Por lesa di su desaroyo personal riba su website y tambe riba su pagina di Facebook.
Publico ta bon bini pa bishita e exposicion na biblioteca na december. Esaki ta habri durante orario regular di biblioteca na Playa, di 8or pa 5or y dialuna y diaranson te 7or.
