Fortifikashon di nos esfuersonan pa turismo
Resientemente Tourism Corporation Bonaire (TCB) a bira miembro di e asosashon ANTOR Hulanda. ANTOR Hulanda ta un asosashon ku ta uni tur ofisina di turismo ku otro.
E metanan di ANTOR Hulanda ta pa regularmente topa ku koleganan di otro ofisinanan di turismo ku ta responsabel pa e merkado hulandes, interkambio di eksperensia, engrandesé konosementu di e sektor di biahe hulandes i e komportashon di konsumidó hulandes, i krea relashonnan mas estrecho ku e sektor di biahe, prensa i ‘blogger’-nan hulandes. Esaki ta un asosashon di ret importante pa TCB, pa motibu ku e ta stimulá posibilidatnan pa partnership i kolaborashon.