Traha huntu pa un Boneiru salú i pagabel

Diputado J. Craane, responsabel pa Renobashon Gubernamental, Maneho Operashonal i Ekonomia, ta para pa bèrdura i fruta pagabel na Boneiru. Esaki ta inkluí e posibilidat pa barku di fruta mara, asina hasi posibel ku e fruta i bèrduranan importá por ta  na preis abou pa nos komunidat.

Aunke ku aktualmente benta direkto di parti di personanan privá no ta posibel, diputado J. Craane ta buskando solushon huntu ku gezaghèber Interino i Sekretario Insular  pa hasi esaki posibel, kaminda tambe ta garantisá seguridat (ekonómiko) di Boneiru.

Kolegio Ehekutivo ta traha aktivamente na un areglo definitivo, konsiderando kuidadosamente interes di tur partido enbolbí.