Na Edisonstraat, Kamerlingh Onnestraat diahuebs den careda di 10 or y 45, un truck di Serlimar cu tabata recogiendo sushi den Edisonstraat a bay reverse y a dal contra un pickup di un compania cu ta haci pool limpi. E pickup net tabata biniendo patras di e truck na momento cu e la bay reverse.
E chauffeur di e truck probablemente no lo a mira e pickup su tras. E impacto fuerte a pone cu e pickup a bay pega riba un sero di klinkers cu nan ta poniendo den e caya aki. E chauffeur di e pickup a keda levemente herida. E pickup a haya hopi daño material na e parti di dilanti. Mesora a pidi pa presencia di polis y ambulance.
Na yegada di ambulance, e paramediconan di ambulance a trata e chauffeur di e pickup na e sitio mes. Polis a presenta y a atende cu e boksmento aki.
