No falta mucho pa Boneiro eligi su miembronan di conseho insular y pa asina despues por forma e gobierno di Boneiro. Den fin di siman cu a pasa tabatin diferente actividadnan politico rond di Boneiro di varios partido. Entre nan partido UPB cu a haci un caravana pa despues yega Cede di partido UPB na Playa y asina dedica un dia na e Latinonan cu a bin biba na Boneiro pa algun tempo caba y cu ta forma parti di Boneiro y hasta tin famia y ta casa cu Bonerianonan aki na Boneiro unda cu nan a forma nan hogar y cu ta sinti nan un Boneriano. No ta desconoci cu Boneiro ta multicultural y esaki ta e desaroyo cu a keda crea den e ultimo anjanan na Boneiro. Sra Alendra Maria de la Rosa ta un di e ehempel nan di ta un Latino, pero e ta sinti su mes un Boneriano cu a dicidi di forma parti di partido UPB cu realmente ta mira e necesidadnan di henter pueblo Boneriano.
UPB a duna nochi di informacion pa Latinonan biba na Boneiro
