SKAL (Sekshon di Kultura, Arte i Literatura) ta invitá habitantenan, artistanan, organisashonnan kultural, negoshinan kultural, i tur ku ta interesá na un enkuentro partisipativo tokante futuro di kultura na Boneiru. Huntu ku tur stakeholder, nos ke forma SKAL su maneho di 2026-2030.
Dikon nos ke tende di bo?
* Djòin nos pa papia tokante futuro di kultura na Boneiru;
* Pensa huntu ku nos kon SKAL por sigui krese i sostené sektor kultural;
* Kompartí bo sugerensia i opinionnan.
Nos ta krea kultura huntu. P’esei SKAL ta invitá tur stakeholder pa kompartí nan ideanan, eksperensianan, i vishon pa futuro durante e enkuentro partisipativo akí. E input akí lo yuda desaroyá un maneho di vários aña ku ta kuadra ku susesonan aktual den komunidat di Boneiru.
E enkuentro partisipativo akí ta tuma lugá djabièrnè 21 di novèmber 2025, di 19:00 -21:00 or na Biblioteka Públiko Boneiru. Registrashon ta nesesario i por hasi esaki pa medio di manda un email na skal@bonairegov.com
Programa:
18:30 – Porta ta habri
19:00 – Start
20:30 – Algu di bebe i diskushon
21:00 – Fin
Huntu nos ta krea un vishon pa kultura ku ta tene nos komunidat vibrante i ta konektá hende. Nos ta spera di yama boso bon biní djabièrnè 21 di novèmber pa yuda forma futuro di kultura na Boneiru.
Press release: Gobièrnu di Boneiru
