Na Artisa na San Nicolas tin diferente workshopnan cu ta tuma luga. Dennys Borges ta forma parti di e artesanonan di Aruba y ta specialisa den bela. Den fin di siman tras di lomba a haci un workshop unda cu varios persona a forma parti di dje. Artisa ta haci e tipo di workshopnan aki pa asina tin personanan cu tin espacio pa Sali for di nan rutina y haci algo diferente, no solamente haci algo diferente pero siña di dje tambe.
Na mes momento ta relaha y ta conoce amistadnan nobo. E productonan cu ta traha bela cu ne ta diferente mirando cu ta trata pa traha cu productonan cu ta proteha naturalesa y den e caso aki ta e producto di soya y no parafina. Tambe a duna splicacion riba e conexion di e holonan cu tin y cu ta pone den e belanan ta hopi importante. Un sala completamente yen unda cu cada un persona por a crea nan bela y alabes tabatin dushi snacks y dushi biña pa comparti cu otro.
