Resientemente Sr Cees Luckhardt, konosido outor I periodista Hulandes a bishita Nos Kier Boneiru Bek I

Resientemente Sr Cees Luckhardt, konosido outor I periodista Hulandes a bishita Nos Kier Boneiru Bek I Bonaire Human Rights su sede riba un mishon spesial, I a presenta dos regalo na nomber di Fundashon Anton de Kom I di Black Archives di Hulanda. Anton de Kom ta un herue di resistensia I ta e prome eskritor I aktivista anti-colonial ku a lucha kontra skondementu, tapamentu di historia, I ku a skirbi e prome deskripshon anti-kolonial di historia Surinamense. Black Archives ta un organisashon renombra ku ta kolekta I archiva informashonan di kultura I historia pretu.  E buki resiente publika na Juni “ Amsterdam I historia-di-sklabitud” a wordu manda I presenta na nomber di e organisashonan aki ta pa apresio I rekononesementu di e trabaonan ku NKBB a bin ta hasi durante anjanan pa konsientisashon di e historia di sklabitud I konsenshi historiko. Sr Luckhardt a enfatisa I enkurasha ku nos tin tur nan sosten I pa nos keda hasi lokual ku nos ta hasiendo.

Mas despues NKBB I BHRO a wordu bishita pa un delegashon di Greenpeace Hulanda ku a bin pa eksplora e posibilidatnan pa Bonaire, pa un Greenpeace Hulandes den Karibe enkonekshon ku  menasa di“global warming”. Den e reunion aki Sr Finies di NKBB a aplaudi ku Greenpeace su prome kampanja internashonal tabata pa reskata e pueblo Maohi na Polynesia Franses. E pueblo Maohi I islanan di Polynesia Franses a wordu pone bek riba lista di  Teritorionan-Sin-Propio-Gobernashon di Nashonan Uni na 2013 ku ta mesun trajektoria ku NKBB ta trahando kaminando pa e pueblo Boneriano. Manera nos a ekspresa na e delegashon ku e prioridat di pueblo Boneriano no ta direktamente “global warming” ku lo por okuri riba un termino largu, pero nos mayor menasa ta loke ta sosediendo desde 10-10-10, ku destitushon, eradikashon di e pueblo Boneriano, redusiendo hasiendo nan un minoria riba nan mes isla I kita I kaba ku nan kultura I identidat pa medio di kolonisashon di imigrashon I establesementu aki. Esey lo mester ta e prome kampanja pa Greenpeace pa e pueblo Boneriano, pa “salba e Boneiranonan nativo” 

Resientemente e reunion di IPKO, ku normalmente ta tuma lugar na di un di e paisnan di Reino, Aruba, Korsou, St Maarten o Hulanda, e anja aki pa motibu di Covid a wordu tene na Boneiru. Durante e periodo aki NKBB I BHRO a risibi bishita di kortesia di Sr Endy Croes di Aruba, ku lo ta parti di e gobierno nobo di Aruba. Den e reunion aki nos a informa Sr Croes di e progreso di Boneiru su trajektoria di Nashonan Uni I di e finalisashon di e investigashon di parti di un organisashon rekonose pa Nashonan Uni riba e atrosidatnan I aneksashon illegal di parti di Hulanda. Sr Croes a re-asegura I reinforsa nan kompromiso di parti Aruba di apoyo na NKBB su trajektoria pa Boneiru dirigi na komunidat internashonal i Nashonan Uni.  

Na mismo tempu, NKBB I BHRO a risibi bishita di kortesia di Sra Grisha Marten-Heyliger di e parlamentu I gobierno di St Maarten kaminda ku e dos diferente trajektorianan di Nashonan Uni , esun di St Maarten I Boneiru a wordu profundamente diskuti I ku St Maarten I Boneiru mester sostene otro den nan diferente trajektorianan. Kaminda ku St Maarten, meskos ku Korsou I Aruba nan situashon ta diferente ku esun di Boneiru. Komo ku nan gobierno pa motibu di Covid I problemanan ku presupuesto-finansiero ku COHO, I komo ku nan ta paisnan outonomo den reino, I nan ta den Statuut, nan a aserka Derechonan Humano Geneva su prosedura I mekanismo di keho via un abogado internashonal pa keha na e Asamblea di Eliminashon Rasial I Deskriminashon (CERD). Ku gruponan di trabao pa traha I hiba diskushonan ku Hulanda komo ku Hulanda tin ku raporta kada kuater pa sinku anja riba asuntunan rasial I deskriminashon na e Komite CERD.  

Mientras ku nos komo Boneiru tin un diferente trajektoria komo ku nos no ta un pais den Reino, I no ta den Statuut, pero illegalmente aneksa den Konstitushon Hulandes I nos no tin poder, no tin outonomia I nos situashon ta diferente ku e islanan CAS. Nos tambe ta trahando ku konseheronan, ekspertonan internashonal di Nashonan Uni manera tabata e kaso ku Polynesia Franses, pa wordu pone bek riba lista di Nashonan Uni I wordu direktamente proteha pa e charter di Nashonan Uni I Asamblea General. E Komite Spesial di Dekolonisashon (C24) ku tin e outoridat pa interveni I meskos tambe tin tur e otro organisashonan/institushonan di Nashonan Uni por interveni direktamente I deal ku spesialmente asuntonan di outo-determinashon I propio-gobernashon I lo tin annualmente revishon I raportahe di nos situashon na Asamblea General di NU na lugar di kada kuater pa sinku anja via CERD riba asuntonan di deskriminashon rasial. Pa Boneiru esaki lo ta e uniko solushon na man pa medio di Nashonan Uni I Komite C24 ku ta spesialmente establese pa yuda islanan manera nos, ku e relashon ku podernan administrativo kolonisado manera Gran Bretanja, Fransia I Hulanda.