Ladronisia for di vehíkulo
Djaweps 9 di aprel a drenta keho di ladronisia for di un outo ku tabata stashoná riba tereno di un
iglesia situá na Kaya Korona. Deskonosínan a habri porta di un outo ku no tabata na lòk i
probablemente a bai ku sèn chikí. Ta investigando e kaso.
Arma di kandela konfiská
Djaweps 9 di aprel, alrededor di 2.15 or di atardi a detené un hòmber di inisial M.E.S. di 37 aña
di edat pa violashon di Lei di Arma di Kandela BES. E detenshon a tuma lugá na Kaya
Libertador Simon Bolivar i ta en konekshon ku e investigashon di e kaso di tiroteo riba
djadumingu 8 di yüni 2025 na Kaya Prinsès Marie.
Despues di e detenshon, a tene entrada hudisial na un kas na Kaya Pamper i a konfiská un
arma di kandela. Investigashon ta kontinuá.
Detenshon pa ladronisia
Djárason 8 di aprel, alrededor di 2 or di atardi, a detené un hòmber di inisial R.M.E. di 70 aña di
edat na Kaya Adela pa ladronisia. E sospechoso mester a bai riba diferente dia ku artíkulonan
for di un negoshi di boto, sin paga. Investigashon den e kaso ta kontinuá.
Supstansianan probablemente narkótiko konfiská
Den oranan di mainta di djamars 7 di aprel, polis a risibí notifikashon ku durante kòntròl a topa
ku supstansianan probablemente narkótiko bordo di un barku krusero na altura di waf Nello
Craane. Na yegada di polis, a konfiská e supstansianan probablemente narkótiko prosedente di
tres turista riba e barku.
Ladronisia di ‘fatbike’
Djaweps 2 di aprel a drenta keho di ladronisia di un baiskel eléktriko (fatbike) di e marka OUIX.
Deskonosínan a bai ku e baiskel ku tabata stashoná na lòk den Kaya Grandi. Ta investigando e
kaso.