BonaireFeaturedInternacional

Mas interkambio di studiante den Reino dor di Beka di Reino

Mas Interkambio Di Studiante Den Reino Dor Di Beka Di Reino

Entrante e siguiente aña di estudio, un 120 studiante pa aña por bai ku interkambio òf stazje den Reino ku e asina yamá Beka di Reino. Esaki ta un programa di mobilidat nobo pa tur studiante den Reino, ku e intenshon pa oumentá e interkambio kòrtiku di studiante. Resientemente, e promé sinku studiantenan karibense a start ku un Beka di Reino asina na Hulanda. E aña di estudio aki, ta spera ku na tur, un 25 studiante lo hasi uso di dje. E Beka di Reino ta un di e medidanan pa apoyá studiantenan karibense den nan karera di estudio.

Ta importante pa traha riba mehorashon di e éksito di estudio di studiante karibense. For di investigashon resien ta resultá ku un suich di direkshon di estudio tantu den enseñansa universitario (wo) komo enseñansa profeshonal mas haltu (hbo) ta (hopi mas) haltu bou di studiante ku un formashon for di e parti karibense di Reino ku bou di studiante ku a sigui nan enseñansa previo na Hulanda Oropeo. Den wo, e kantidat di mas haltu ku ta kai afó den e promé aña ta bou di studiante for di e parti karibense. Hopi studiante karibense den e enseñansa avansá na por ehèmpel Hulanda ta haña nan ku opstákulo èkstra. Asina, e paso pa studia na Hulanda ta hopi grandi, loke ta pone ku relativamente hopi ta kai afó. Tambe, studiante karibense tin di haber ku hopi problema práktiko, manera haña alohamentu i optené un BSN. 

Prevení kaimentu afó i desapunto

E Beka di Reino ta un programa di mobilidat nobo pa tur studiante den Reino: mbo (enseñansa profeshonal medio), hbo i wo. E programa mester oumentá e interkambio kòrtiku di studiante denter di e paisnan di Reino. Pues por ehèmpel un studiante ku for di Hulanda ta bai University of Curacao Dr. Moises Da Costa Gomez (UoC), òf un studiante rubiano ku ta bai kore stazje na Hulanda. E ta un enrikesimentu di nan karera di estudio i ta ofresé prinsipalmente studiante karibense e posibilidat pa purba wak promé, ku apoyo finansiero, si studia na Hulanda ta bai bon ku nan, promé ku nan skohe pa un estudio kompleto. E studiantenan, pa un máksimo di seis luna, ta sigui materianan na un instituto na Hulanda. E meta ta pa prevení kaimentu afó i desapuntonan si lo a skohe direktamente pa un studio kompleto. Asina, e ta kontribuí na éksito di estudio i igualdat di oportunidat di studiante karibense. Ménos kaimentu for di estudio tambe ta baha e problemátika di debe di estudio ku hopi di e studiantenan aki ta haña nan kuné. Esaki ta forma un estorbo ora nan regresá nan isla di orígen i asina ta kousa brain drain. E Beka di Reino ta hasié mas atraktivo pa sigui studia na nan propio isla i bai un interkambio kòrtiku. 

Minister Dijkgraaf: “Tabata un gran inspirashon poko dia ei pa por topa e promé studiantenan ku un Beka di Reino. E introdukshon di e beka aki ta un paso importante i konkreto pa mas perspektiva, éksito den estudio i igualdat di oportunidat pa e studiante karibense. Ku e programa di interkambio aki, nos ta hasi uso di e forsa di e kuater paisnan di Reino.” 

‘Erasmus+’ den e Reino

Por kompará e Beka di Reino ku e programa Erasmus+ ku ta ofresé studiante e posibilidat pa studia durante un semèster na un institushon oropeo ku apoyo finansiero. Ku Erasmus+, komo studiante for di Aruba, Kòrsou, Sint Maarten, Hulanda, òf e islanan di Hulanda Karibense (Boneiru, Saba, Sint Eustatius), bo por bai tur pais Oropeo ku un beka pa interkambio òf stazje, pero esei no ta posibel den Reino. E sumanan di beka ta komparabel ku Erasmus+; den e areglo di supsidio (ku a kaba di drenta den konsulta via internèt) tin pará ku studiante karibense por haña un beka di un máksimo di 5900 euro.

Den e aña di estudio aki, ta spera ku na tur un 25 studiante ta hasi uso di e beka nobo komo pilot. E aspirashon ta ku for di e aña di estudio 2024-2025, mas o ménos 120 studiante pa aña lo probechá di e Beka di Reino. Hulanda na tur ta saka 0,6 mion euro pa e programa di mobilidat nobo. Studiantenan te dia promé di mei 2024 tin tempu pa registrá pa un beka entrante sèptèmber 2024. 

Oumentá éksito di estudio

E Beka di Reino ta un di e medidanan pa oumentá e éksito di estudio i e igualdat di oportunidat di studiante karibense. E tópiko tabatin prioridat riba e agènda di e Konsulta Ministerial Enseñansa di Kuater Pais siman pasá na Den Haag, e biaha aki bou di presidensia di Hulanda. E ministernan a palabrá ku lo bini un tim di programa ku den e tres añanan benidero ta bai aserká mehorashon di éksito di estudio di forma struktural. 

Pa oumentá e chèns pa studiante den enseñansa avansá, e kuater paisnan tambe a lanta e Caribbean Academic Foundation Year (Aña di Fundeshi Akadémiko Karibense). Esaki ta un pre-academic year (aña pre akadémiko) konhunto pa prepará studiante mas mihó riba un estudio hbo i na universidat. Esaki mester hasi e paso di enseñansa sekundario pa enseñansa avansá mas chikitu, na nivel akadémiko i personal. Tambe lo wak e oferta di enseñansa na e islanan. E promé paso den esaki ta un análisis di merkado laboral unda ta reuní i klasifiká e eskases riba merkado laboral pa e region karibense.

Related posts

Minister Xiomara Maduro: Reino Hulandes tin un chens di oro pa reflexiona

EA News Author

AHATA a vocifera cu BTW lo bira “The Perfect Storm” y awe nan desea pa gobierno bin cu BTW

EA News Author

Minister Dangui Oduber: A contesta parlamentario Berlis ariba preguntanan di “no more hotels”

EA News Author

Leave a Comment

Whatsapp Message