Den un yamada fuerte pa unidad, un ciudadano Boneriano cu 42 aña di edad Layonel Anthony a expresa su profundo preocupacion pa e manera cu e cultura y e trankilidad di su isla ta wordo afecta pa e influencianan externo, specialmente esnan biniendo for di Hulanda. Den un entrevista na Radio Live 99 e ta haci un yamada na su Bonerianonan pa UNI.
Un yamada pa Unidad
E ciudadano a cuminsa su relato enfatisando e importancia pa e Bonerianan uni den e tempo dificil aki. Segun su opinion, Boneiro no tabata asina antes y hopi local ta sinti miedo of simplemente no kier lanta contra e cambionan cu ta tumando luga. “Union ta e forsa,” el a declara, urgiendo su conciudadanonan pa stop di drumi y cuminsa defende loke ta di nan.
Cambio den Tradicion y Cultura
E testimonio ta destaca un cambio drastico den e bida social di e isla. Segun e ciudadano, antes tabata tin fiesta y celebracionnan cultural tur caminda, pero desde cu e influencia Hulandes a bira mas fuerte, esaki a cambia y nan no ta biba trankil mas riba nan propio isla.
- Restriccion di Fiesta: Actualmente, e localnan ta enfrenta hopi “overlast” (molester) ora nan kier organisa festividadnan cultural, limitando e libertad cu nan tabata tin antes pa celebra den nan propio barionan.
- Impacto riba Fauna Local: E ciudadano a menciona tambe e situacion di e buriconan na Boneiro. El a señala cu e desaroyo urbano y e aumento di construccion di casnan pa hende di afo ta kitando y kibrando e habitat natural di e buriconan, locual ta crea un problema cu antes no tabata existi.
Perdi di Identidad y Espacio
E preocupacion mas grandi ta e sentimento cu e localnan ta wordo desponi di nan mesun isla. E ciudadano ta sinti cu e desaroyo nobo ta wordo haci na un manera cu ta stroba e local di disfruta di su bario y su isla cu nan a nace y lanta y di su libertadnan tradicional. “Mi ta mira tiki-tiki nan ta purba kita tur cos for di nos,” el a conclui, den un tono di hopi pesimista over di e direccion cu e isla ta bayendo, cu o ta e deseo di e Bonerianonan , pero di e Hulandesmam.