Minister Plenipotenciario Drs. Gracita Arrindell recientemente, hunto cu Vereska Illidge, a ricibi representantenan di Buro Help na e gabinete pa un reunion constructivo tocante fortalecimento di impacto social mediante colaboracion y resultadonan midibel.
Durante e reunion, a presenta Buro Help como un plataforma inovativo diseña pa apoya organisacionnan sin fin di lucro (non-profits) dor di traduci nan trabou den un impacto midibel y basa riba dato. Esaki ta permiti organisacionnan demostra nan efectividad miho, fortalece nan responsabilidad (accountability), y drecha nan capacidad pa atrae fondonan y apoyo a largo plaso.
E plataforma ta brinda companianan tambe e hermentnan pa monitorea nan contribucionnan y participa den iniciativanan di impacto social na un manera transparente y responsabel. E discusion a resalta e rol potencial cu Buro Help por hunga den crea un brug entre e sector non-profit y socionan corporativo pa medio di resultadonan midibel y balor comparti.
A expresa un interes particular pa explora oportunidadnan pa organisacionnan non-profit y socionan corporativo na Sint Maarten participa den e plataforma aki. Esaki lo crea conexionnan mas fuerte entre organisacionnan, empresanan y iniciativanan comunitario, mientras ta aumenta e impacto social.