ORANJESTAD,Aruba
Diamars atardi miembronan di Aruba One Happy Island Lions Club a bini hunto pa asina prepara paketenan di comestibles pa famianan den necesidad. Un total casi 100 pakete a wordo prepara y despues entrega na famianan den necesidad, esaki ta pa yuda alivia e famianan cu ta pasando den situacion dificil pa motibo di Covid-19. E bunita obra aki ta posibel danki na e donacion Asociasion di Chines y cu coordinacion di Fundacion Pa Nos Comunidad. Miembro- y boluntarionan di Aruba OHIL Club cu mask bisti pa proteccion a bini hunto na distancia y a prepara e paketenan. Un danki na tur miembro, instancianan y boluntario pa nan cooperacion y ayudo. Aruba One Happy Island Lions ta keda creativo y den e periodo dificil aki ta keda activo pa yuda esnan den comunidad cu tin mester di ayudo.
