ORANJESTAD, Aruba

Na Centro di Husticia a tuma lugar promocion di diferente colega den Cuerpo Policial. Den presencia di altocomisario di Polis interino sra Tjon-Kock, mando policial  a haci entrega di varios promocion.

Diferente colega a ricibi nan promocion, for di agent in opleiding hoofdagent:

Pa agent in opleiding pa  agent eerste klasse: Sr. S.E. JANSEN,

Pa agente eertse klasse  pa Brigadier: Sr. J.R.W. LUCKERT,

Pa  brigadier eertse klasse pa Hoofdagent: Sra. E.E. GEERMAN, sra  S. DANIA, sr E. DOORNKAMP, sr S.G. MEYE, sr G.P. GEERMAN y sr L.I. BESSELINK.

Un pabien na cada un colega cu nan rango y funcion nobo, tur di nan awo cu mas responsabilidad den nan funcion nobo. Un danki na cada famia pa nan sosten y apoyo duna na nos coleganan den tur momento. Sin nan famia nos coleganan no por ta exitoso. Nos di KPA ta contento cu nos por sigui brinda e servicio na nos comunidad den un forma profesional pa asina nos por sigui mantene e nivel di seguridad na halto pa nos pais.