Departamento di Salubridat Públiko ta satisfecho ku e koperashon ku nan ta haña di kompanianan di aviashon i turista. E kontrolnan ku ta tuma lugá na salida for di otro pais i yegada na Boneiru ta kanando bon. Tur pasahero ta tene nan mes na e eksigensia pa presentá un resultado negativo di tèst pa Covid-19.
Promé ku pasaheronan bini Boneiru nan tin ku yena e formulario di salú. Esaki ta bai pa departamento di Salubridat Públiko. Ta presentá un resultado negativo di e tèst pa Covid-19 promé subi avion. Na yegada departamento di Salubridat Públiko ta bolbe kontrolá esaki. Por sosodé ku un avion ta yega mas trempan òf mas lat. Esaki ta eksigí fleksibilidat di tur hende. Tambe e turista. Por pasa ku e proseso di kontròl por dura un tiki mas largu. En general e kontrol ta kana bon. Departamento di Salubridat Públiko ta satisfecho ku e koperashon ku ta hañando di airopuerto BIA i Koninklijke Marachaussee. Departamento di Salubridat Públiko ta keda konta riba koperashon di kompanianan di aviashon i pasaheronan.