Djadumingu 6 di desèmber último Dongo huntu ku e “team” di Landsloterij a drenta diferente bario di Kòrsou i hasi 75 famia kontentu ku un Palu di Pasku fresku di Alivio. Di e forma aki Landsloterij a yama danki na e famianan aki pa a sostené e loteria nashonal durante 2020.
Mirando e situashon ku hopi famia a pasa den den aña 2020, e fin di aña aki landsloterij a lansa e proyekto “Hope & Joy”. Durante luna di desèmber trahadónan di Landsloterij ta subiendo kaya pa duna alegria i speransa na diferente hende i inspirá pueblo kompletu pa sigui kompartí esaki. Ya diferente akto di “Hope & Joy” a bai dilanti manera entre otro un gesto bunita na kas di grandi Nos Lanterno.
