Resientemente nos laboratorio nashonal Analytisch Diagnostisch Centrum (ADC) a realisá un koperashon ku Bureau Scholing Op Maat (B.S.O.M.). B.S.O.M. ta duna diferente kurso di rekapasitashon riba tereno di kuido
médiko. Un di e kursonan ku B.S.O.M. ta brinda ta Venapunctie+. Esaki ta un kurso di prek sanger.
Pa medio di e akuerdo ariba menshoná, ADC ta brinda oportunidat na algun persona ku a sigui e kurso di Venapunctie+, pa kore stage na ADC. Kada tres luna ADC ta ofresé lugá di stage na tres persona ku a terminá nan kurso ku éksito.
ADC su enfoke ta pa duna oportunidat i kontribuí na desaroyo di personanan den komunidat ku pa un otro motibu ta deseá di rekapasitá nan mes. ADC ta duna guia, kompartí konosementu i duna oportunidat pa kue eksperensia, pa asina e personanan por sigui profeshonalisá nan mes riba e tereno di
prekmentu di sanger i mas.
