Den e curso di siman aki tin contribuyentenan cu a pidi nan comprobante di pago via nos formulario digital y cu na final di e proceso a haya un melding cu e peticion aki no a bay bon. Apesar di e melding aki nos kier a sigura nos contribuyentenan cu e prome peticion ta drenta cerca nos. Pues no ta necesario pa yena e formulario aki di nobo.
Unicamente den caso cu e contribuyente no logra upload su documentonan of si e pagina a pega na mita caminda durante e proceso di peticion, nos ta pidi pa yena e formulario di nobo. Pa suavisa e fluho di trafico digital nos ta pidi tur otro contribuyentenan cu si a yena e formulario aki te na final pa tene poco pasenshi mientras cu nos team ta traha duru pa procesa tur peticionan pendiente.
