Djaluna 15 di mart 2021 alrededor di 11.15 or, Sentral di Polis a dirigí un unidat Polisial na
Kaya Malwa bou di un palu pa un hòmber heridá.
Na yegada di e unidat, el a bin topa un hòmber ku un hinká i kortá serio na e parti di su
kabes i skouder.
For di investigahson ku polis a realisá na e sitio, e víktima a deklará na polis ku un ratu
promé den Elmestraat na altura di un toko, un hòmber ku e konosé mester a ataké ku un
opheto skèrpi ku e konsekuensia ariba menshoná. E motibu di e agreshon ta den
investigashon.
Ambulans ku a presentá na e sitio, a transportá e víktima pa sala di emergensia di C.M.C. pa
tratamentu médiko. Despues di tratamentu e víktima a keda interná.
Despues di un investigashon alrededor di 11.45 or, polis a detené e agresor den areá di
Pietermaai. Ta trata di e hòmber G.S.G. di 41 aña di edat, nasá na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
1 comment