Comunidad di Aruba ta preparando pa e weekend grandi di vacunacion, unda cada un di nos como cuidadano ta bay contribui na proteccion di nos propio salud, di nos famia, nos prohimo y na recuperacion di nos dushi pais Aruba. A yega e momento pa nos sali di e Crisis aki. Awo ta e ora pa ‘Move on’ den direccion di prosperidad atrobe.
Yega tur esnan cu 18 aña of mas dia 24 of 25 di april for di 9or di mainta te cu 4or di atardi na e localidad mas serca dibo sea na Ritz Carlton Hotel, Don Bosco Club na Noord, Centro Libertador Betico Croes of Teresita Center y ricibi bo prome dosis di vacuna pa nos salud y recuperacion. Bin cu bo carchi di AZV, si bo no tin AZV pero ta biba na Aruba pa mas cu 6 luna sea legal of illegal trece bo pasoort. Yega ‘ Walk Inn’ Aruba mester dibo.