Tres mucha a gana kompetensia di pintamentu pa Dia di Tata

Ku pinturanan kolorido speshal pinta pa nan tata,

tres mucha di akohida “Paraiso di muchanan kontentu” a sa di destaká. Nan a gana e kompetensia di pintamentu ku Biblioteka Públiko a organisá speshal pa selebrashon di e dia ei.

E aña aki a skohe akohida despues di skol “Paraiso di muchanan kontentu” pa tene e aktividat. E ganadornan tabata den tres kategoria. Kategoria di seis, ocho i diesun aña.

Komo ganadó den kategoria di 6 aña tabata Abrielle Rooi, den ocho aña D-jayley Frans i den diesun aña tabata Gillienne Thielman.

Di parti di Biblioteka Públiko e muchanan a risibí un buki di lesa i nan a risibí un bunita regalo pa nan tata tambe.