Djaweps ultimo 1 yüli 2021 parlamento di kòrsou a debatí riba e karta ku Minister di finansa sr Silvania a manda parlamento. E karta aki su kontenido tabata un petishon di minister na nòmber di Konseho di Minister pa ratifiká e akuerdo polítiko entre Gobièrno di Kòrsou i Hulanda esta yama Landspakket.
Riba pregunta nan di frakshon di MAN den parlamento a puntra gobièrno pa loke e desishon ku a kai den konseho di minister. Minister Presidente Pisas a konfirmá ku gobièrno den konseho di minister a bai di akuerdo pa ratifiká e akuerdo politíko di 2 novèmber 2020.
Parlamento a pidi pa e karta aki i Minister Presidente a indiká di lo manda esaki despues pa parlamento.
Pa frakshon di MAN mirando e importansia i embergadura di e situashon kual tin un pueblo ta warda pa risibi yudansa, nos ta kere ku parlamento i pueblo mester sa ki ta e kontenido di e karta ku Gobièrno di Kòrsou a manda pa Sekretario di Estado Knops.
Esaki sigur pa no pasa ku e karta di 5 di mei 2021 ku a krea konsternashon den komunidat. Na momento ku lider politikonan di MFK i PNP a duna di konose ku nan no ta bai akuerdo ku lokual a keda akordá ku Hulanda, poniendo na peliger salarionan di ambtenarnan i sosten na esnan afektá dor di e pandemia. Kual sigur e karta mester a keda sekreto pa pueblo di Kòrsou.
Pesei pa Frakshon di MAN ta urgi Minister Presidente pa awor si ser transparente i publiká e karta ku a ser manda pa sr Knops kaminda Gobièrno di Kòrsou ta reafrimá e akuerdo polítiko ku Hulanda.
1 comment