Falta un tiki mas cu dos luna pa e gran Wahoo Tournament Shootout di Sidney Ponson Charity Foundation. Un torneo cu ta tuma luga dia 4 di december awor na Varadero, cuminsa for di tempran oranan di mainta.
Tin 14 boto local caba cu a registra pa tin e oportunidad di gana e premio gordo di 25 mil florin. Aruba tin hopi boto di pesca y si bo tin boto chikito of grandi, bo por participa. Tin dos categoría, bou di 32 pia y 33 pia bay riba.
Pa registra ta fácil. Haci esaki mandando tur bo informacion via un whattsapp na: 5944326 of manda un email pa sidney.spcf@gmail.com. Tambe por subi Foundation page y bay direct riba whatsapp y sidney mes lo atendebo.
Tin un entusiasmo grandi no solamente pa participa y gana “e pisca grandi” pero tambe pa contribui cu e metanan di Sidney Ponson Charity Foundation. K ibo ta warda? “Wak pa bo liña ta na awa”