Trahador social sra. Adriana Dorothal a celebra 25 aña trahando na EPB. Como trahador social semper sra. Dorothal a traha cu hopi dedicacion y placer na bienestar di nos alumnonan na EPB.
Sra. Ludwina de Cuba a celebra 30 aña trahando na diferente scol di EPB. Delaster 21 aña den directiva di EPB. Semper cu atencion special pa contenido di enseñanza tabata e projectleider tambe di proyecto di innovacion Scol Chikito den Scol Grandi.
Director sr. R. Mathilda tabata tin palabra di elogio pa e gran contribucion di sra. Dorothal y sra. De Cuba na e instituto di EPB. Na final sr. Mathilda den presencia di inspector di enseñanza, sr. Hoen a haci entrega di un bunita plakaat traha di obra di palo na sra. Dorothal y sra. De Cuba.
Den nomber di Staf y personal como tambe alumnonan di EPB San Nicolas nos kier a felicita y alabes yama un danki na e trahador social, Dorothal y docente De Cuba cu nan aniversario.
