Sisi Clarenda ta lusiendo aya na Sint Maarten, pendiente pa e kompetensia final fin di siman awor. Djamars a tuma lugá e ‘all white ball party’ aya na Sint Maarten.
Sisi for di djaluna a pisa suela na Sint Maarten i ya tin diferente enkuentro ku ta tumando lugá, promé ku a parti final. Djamars nan a reuní komo tur partisipante i a kome huntu i notabel ta ku tur kaminda, Sisi ta laga e Bandera di Boneiru lusi.
Tur partisipante mester a skohe y nan mester a saka nan number , Sisi a saka number 1 for di tómbola. Tambe nan mester a entrega bandera di e isla ku nan ta representá.
Despues el a duna e board i tambe e otro kompañera mama, un regalito. El a presentá riba tarima i a lusi espektakular, Tin varios komentario positivo riba sisi su representashon :” Bonaire allways on top.”
