Awe 9 di februari partido MEP ta cumpli 51 aña y Xiomara Maduro ta masha orguyoso di e honor di por ta forma parti di un movimiento politico cu a haci asina hopi na bienestar di Aruba.
Un union den Pueblo, forma pa nos Lider inmortal Betico Croes cu a logra nos Status Aparte, despues a wordo lidera pa nos Lider Honorario Nel Oduber cu a yuda desaroya Aruba grandemente, ta awor den e man capabel di nos Lider Evelyn Wever-Croes cu ta traha incansablemente pa Aruba por logra su maximo potencial y bienestar.
E ta un honor pa Xiomara Maduro pa hunto cu coleganan para den e fila di MEP y traha pa Aruba por conserva su libertad pa progresa. E ta exigi inmenso corahe y valor y pesey riba dia special di awe ta pidi nos bon Dios pa sigui brinda nos su forza, su sabiduria y su pasenshi pa traha den e vehiculo MEP na bienestar di Aruba.
Xiomara Maduro ta expresa palabra di masha pabien na Lider, Evelyn Wever-Croes y na tur candidato, na directivanan, na comisionnan, na lidernan di bario y specialmente na tur cu ta sostene Movimiento Electoral di Pueblo.
Pabien MEP y Aruba.