Den fin di siman ultimo Aruba su seleccion di futbol Damas a hunga nan prome wega contra El Salvador den San Cristobal Panamerican Stadium na Republica Dominiocana. E prome wega tabata uno hopi importante y fuerte alabes. Den e prome tempo ambos team tabata 0-0 pero den e di dos tempo e wega a bira mas pisa y bruto y na unda cu Aruba a perde nan prome wega 7-1.
Aunke cu a perde e prome wega, speransa ta e ultimo cos cu ta perde, awor ta trahando duro y mira e tacticanan cu ta keda uza y na unda nan a faya y siña di esaki pa asina prepara nan mes pa asina hunga nan siguiente wega contra di Barbados cu lo tuma luga diamars 21 di februari 2022.
Riba cada foto por mira e tension di e wega cu a tuma luga y ta mira tambe con fuerte e delegacion di Aruba a lucha te na final pa asina haci bon papel pa representa Aruba. Te na e momentonan aki Aruba su delegacion di damas ta na
tres luga y e wega di awe lo determina si nan lo keda na di tres luga si of no.
