Comienso di April Minister di transporte y telecomunicacion Ursell Arends a nombra Raad van Commisarissen nobo di Arubus unda cu a pone espertonan nobo hunto y tambe den e area finansiero pero tambe alabes expertonan cu tin interes pa mira e interes di mira un Arubus, Arupark, Arutram funciona optimalmente pa brinda e servicio cu nos tur ta desea.
Minister Ursell Arends ta duna di conoce cu Arubus ta un compania estatal y e tin su retonan, pa e motibo aki mes a pone expertonan cu ta forma parti di e Raad van Commisarissen y hunto cu e voorzitter Demis Illis y miembronan di Commisarissen Hendry Gregory Tromp, Dinash Matani y sr. Ling Wong cu ta forma e Raad van Commisarissen cu expertonan di amplio conocimento di aña nan di trayectoria cu ta bay yuda reorganisa Arubus y structura e compania pa asina e compania para riba su pia y brinda e servicio di transporte publico cu tanto esnan cu ta traha den sector hotelero of pa e studiantenan cu tin cu yega scol por haya e servicio optimal.
Gobienro ta na altura cu e deseo di comunidad ta pa Arubus tin un miho servicio y awo e prome pasonan a cuminsa dal unda cu ta pone un Raad van Commisarissen cu por tuma desicionnan y cu por organisa e compania pa asina e por brinda e servicio optimal y di miho calidad pa cada un di nos ciudadanonan cu ta biba na Aruba, cu mester di e transporte publico y cu nan por conta cu ne.