Durante un reunion preparatorio ekstraordinario, spesialmente
konvoká pa Konseho Sosial Ekonómiko (SER), ku a tuma lugá 3 di yüni 2022, Minister di
Salubridat Públiko, Medio Ambiente y Naturalesa (GMN) sra. Dorothy Pietersz-Janga, huntu ku
su asesornan, riba invitashon di SER, a duna un splikashon riba e proyekto di e dekreto
gubernamental konteniendo medidanan pa redusí gastunan den e Fondo di Seguro Básiko
BVZ, ku a ser presentá na SER pa konseho. Ophetivo prinsipal di e proyekto di e dekreto
gubernamental aki ta pa tuma medidanan pa kontrolá i redusí gastunan den sektor di salubridat
públiko. Pa por logra e ophetivo aki mester ahustá algun dekreto gubernamental ku ta kontené
medidanan general pa aplikashon di e Ordenansa riba Seguro Básiko.
Riba e potrèt: Minister Dorothy Pietersz-Janga kompañá pa algun miembronan di SER i nan
suplentenan.
